Sámi girkobeaivvit bassi eatnama birra

Sámi girkobeaivvit Johkamohkis 2004

Sámi girkobeaivvit Johkamohkis 2004

Sámi girkobeaivvit bassi eatnama birra

- Min doaivva livččii ahte birrasiid 1000 oasseváldi Norggas, Ruoŧas, Suomas ja Ruoššas čoahkkanivčče Sámi girkobeivviide borgemánu 9.-11.b. Muoffies/Mo i Ranas. Girkobeivviid bajilčála lea “Bassi eanan! Bassi Sátni”. Prográmmas mii dáhttut čájehit ahte čanas sivdnádussii johtá giehtalagaid Sivdnideaddji árvvusatnimiin, dadjá Sámi girkoráđi jođiheaddji Anne Dalheim.


Sámi girkobeaivvit lágiduvvojit dán geasi goalmmádadaššii, – ja vuosttas geardde Norgga bealde ja lullisámi guovllus. Doalut čohkkejit sámi girkoeallima miehtá Sámi guovlluid. Guovddáš áššin šaddet dálkkádatrievdamat, álgoálbmogiid luondduvuoiŋŋalašvuohta ja Biibbala sátni sivdnádusa birra.

Álggahuvvo ONa álgoálbmotbeaivve

Rahpanbeaivve borgemánu 9.b. čalmmustahttojuvvo ONa riikkadgaskasaš álgoálbmotbeivi.

- Dát lea váikkuhan min profiilaválljejupmái girkobeivviide. Váldofáddá “Bassi eanan! Bassi sátni” vuolggahuvvo biibbalsánis «Nuola gápmagiid! Dasgo dat báiki mas don čuoččut lea bassi eanan.» (2 Mos 3,5), ja dávistuvvo seammás álgoálbmogiid gaskavuhtii lundui, dadjá Dalheim.

Son jáhkká ahte rahpanbeaivi šaddá stuorimus ONa álgoálbmotbeaivvi čalmmustahttin olles Sámis.

Girkobeaivvit álggahuvvojit oktasaš ipmilbálvalusain stuorralávus masa čáhket lagabui 800 olbmo. Dan maŋŋil lea váldoseminára mas leat mielde ONa bistevaš foruma ovddeš jođiheaddji Ole Henrik Magga (Sápmi/Norga), Kalaallit Nuunata/Ruonáeatnama bisma Sofie Petersen (inuihtta), ja Alaska-indiána Norma Kassi. Fáddá lea “Dasgo báiki mas don čuoččut lea bassi eanan! Álgoálbmogat, dálkkádat ja luondduvuoiŋŋalašvuohta.”

3 jagi plánen

- Mii leat plánen dán fargga 3 jagi, ja mii leat rámis prográmmain ja dainna báikkiin gosa mii bovdet olbmuid, dadjá Sámi girkoráđi jođiheaddji Anne Dalheim.

Sámi girkoráđđi mii gullá Norgga girkui lea váldolágideaddji, ja Dalheim jođiha prográmmalávdegotti mas Ruoŧa girku Sámi ráđđi, Oulu bismagoddi ja  Barentsguovllu risttalaš girkuid ovttasbargoráđđi  leat miellágideaddjin.

Vuosttasčájálmas – Frode Fjellheim

Mii leat sihtan lullisámi musihkkadahkki Frode Fjellheima čállit musihkkabihtá “Bassi eanan! Bassi Sátni” mii rahpanbeaivve čuojahuvvo  vuosttas geardde. Dát šaddá stuorra dáiddalaš dáhpáhus.

Mii ávžžuhit ovttaidolbmuid ja searvegottiid dál juo ráhkkanišgoahtit Muoffiei vuolgit borgemánus, dadjá Dalheim. Mis lea valljugas ja miellagiddevaš prográmma buot ahkásaččaide, son muitala.

Almmut iežat Sámi girkobeivviide! Oastte festiválapássa dás

Dette innlegget ble publisert i Uncategorized. Bokmerk permalenken.

Legg igjen en kommentar

Din e-postadresse vil ikke bli publisert.

Du kan bruke disse HTML-kodene og -egenskapene: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>