Adjágas. Govva: http://www.myspace.com/adjagas/photos

Adjágas almmuha ođđa lávlagiid Sámi girkobeivviin!

Boahtte čavčča almmuha Adjágas goalmmát skearus. Vuosttaš vejolašvuohta gullat Adjágasa ođđa šuoŋaid lea Sámi girkobeivviin lávvardaga borgemánu 10. beaivve.

Jagis 2005 iđii sámi joavku Adjágas mii johtilit šattai stuorra suksessa. Das maŋŋil lea joavku olusiid mielas leamaš Sámi stuorámus musihkkajoavku.

Govva: http://www.myspace.com/adjagas/photos

Dokumentarfilbma Firekeepers, mii čuovvu Lawra Somby ja Sara Marielle Gaup Beaska, čájehuvvo idjafilbman maŋŋá konseartta. Filbma e.e. čuvge erenoamáš vugiin máttasámegiela hearkkes gielladili.

Sámi girkoráđđi lea ovdal bargan Adjágasain ovttas. Sara Marielle lei fárus bihkkasáddomátkkis indiánanjunnožiin Francois Paulette:in miessemánu diibmá, ja Adjágas lei váldoartista solidaritehttakonserarttas álgoálbmogiidda ja Eananeadnái Stavanger duopmogirkus beaivvi ovdal Statoila váldočoahkkin. – Lei okta mu stuorámus vásáhusain duopmogirkus, dajai Stavanger bisma Erling Pettersen maŋŋá konseartta.

Almmut iežat Sámi girkobeivviide! Oastte festiválapássa dás