Duohtavuohta vássán áiggi birra soabahusa álgu

Father Michael Lapsley deaivvahalai reivvebombii apartheidvuostálastinbarggus. Dan maŋŋil son lea bargan sobahusdoaimmaiguin. Lapsley oaivvilda ahte buot soabahusbargu ferte álgit dainna ahte vássán áiggi birra celkojuvvo duohtavuohta. Sámi girkobeivviin lea sus, Rolf Steffensenis ja Ingar N. Kuoljokis duppalseminára soabahusa birra sápmelaččaid ja dážaid gaskkas.

Lapsley jođiha Institute for Healing of Memories Lulli-Afrihkas. Son lea guhká bargan soabahanprosessaiguin Lulli-Afrihkas ja eará guovlluin máilmmes – maiddái álgoálbmotguovlluin. Sátnejođiheaddji ja Hápmira ovddeš suohkanbáhppa Rolf Steffensen ja jurista ja Sámi girkoráđi nubbijođiheaddji Ingar Nikolaisen Kuoljok leamaš guovddážis sámi-dáža soabahusbarggus Davvi-Sálttus.    

Semináras borgemánu 9.b. almmuhuvvo girji Erkjenne fortid – forme framtid. Innspill til kirkelig forsoningsarbeid i Sápmi. 12 čállosa čájehit soabahusprosessaid Sámis. Lapsley, Steffensen ja Kuoljok leat čállán artihkkaliid dán girjái. Earát ge geat leat čállán dán girjái leat mielde Sámi girkobeivviin. Girjji almmuhit Girkolaš oahppoguovddáš davvin ja Sámi girkoráđđi.

Borgemánu 10. b. dollet Lapsley, Steffensen ja Kuoljok čuovvulanseminára seammá fáttás.

Almmut iežat Sámi girkobeivviide! Oastte festiválapássa dás: