Sámi girkobeivviid prográmma lea gárvvis!
Máŋggabealát prográmma kulturvásáhusaiguin ja girkolaš servvolašvuođain hásttuha jurdagiid ja bovde vuoiŋŋalaš čiekŋudahttimii. Bures boahtin Sámi girkobeivviide mat álggahuvvojit ONa álgoálbmotbeaivve ávvudemiin borgemánu 9. beaivve!
Konsearttat: Frode Fjellheim ja Adjágas. Dáiddačájáhusat: Hans Ragnar Mathisen ja eambbosat. Semináraprográmma: gwitch’in indiána Norma Kassi (Canada), bisma Sofie Petersen (Kalaallit nunaat), professor Ole Henrik Magga, lullisámiid báhppa Bierna L Bientie, father Michael Lapsley (Lulli-Afriika), sátnejođiheaddji Rolf Steffensen, jurista Ingar N Kuoljok ja eambbosat. Ipmilbálvalusat (sárdnideaddjit): Birgitta Simma, Line M. Skum, Erva Niityvuopio ja eambbosat. Almmolaš rahpan: sámediggepresideanta Egil Olli ja lullisámi searvegotti jođiheaddji Sigfred Jåma.
Sierra nuoraidsiida, mánáidprográmma, idjafilmmat , spábbačiekčamat, sámi márkan ja museumčájáhus.
Girkobeivviin deattuhuvvo gielalaš fátmmasteapmi dáidda gielaide: sámi gielaide, dáro-/ruoŧagillii, suomagillii, ruoššagillii ja eangalasgillii.
Almmut iežat Sámi girkobeivviide! Oastte festiválapássa dás