Magga boahtá Sámi girkobeivviid ONa álgoálbmotbeaivvi čalmmustahttimii

Sámi girkobeaivvit čalmmustahttet ONa álgoálbmotbeaivvi borgemánu 9.b. fáttáin “Bassi eanan! Bassi Sátni”. Rahpansemináras lea Ole Henrik Magga mielde, son lei ONa Álgoálbmotáššiid bistevaš foruma vuosttaš jođiheaddji.

ONa álgoálbmotbeavi lea guovddážis Sámi girkobeivviid 2013 rahpanbeaivvi. Rahpanipmilbálvalusa sárdneteaksta lea «Nuola gápmagiid! Dasgo dat báiki mas don čuoččut lea bassi eanan!»  Rahpansemináras ságastallet Ole Henrik Magga, Kalaallit Nunaata bisma, ruonáeatnanlaš Sofie Petersen ja gwitch’in indiána Norma Kassi dálkkádatrievdamiid, luondduvuoiŋŋalašvuođa ja álgoálbmogiid birra. Idjafilbma – bálkášuvvon SVT-dokumentára «Nya vädrets offer» mii čuovvu Kassi-bearraša Canadas – čájeha mo dálkkádatrievdamat váikkuhit Canada arktálaš guovlluid álgoálbmogiid.

Frode Fjellheim

Álgoálbmotbeaivvi kultuvrralaš stuorra dáhpáhussan gártá vuosttaščájálmas Frode Fjellheima koarrakonsearttas, maid Sámi girkobeaivvit leat sus tiŋgon: «Aejlies eatneme! Aejlies Baakoe – Hellig jord! Hellig Ord.

Almmut iežat Sámi girkobeivviide! Oastte festiválapássa dás: