Borgemánu 9.-11.b. 2013:s čoahkkanit measta 1000 oasseváldi Norggas, Ruoŧas, Suomas ja Ruoššas Sámi girkobeivviide Muofis.
“Bassi eanan! Bassi Sátni” lea girkobeivviid váldofáddá. Guovddáš čuoggát leat dálkkádatrievdamat, álgoálbmogiid luondduvuoiŋŋalašvuohta ja Biibbala sátni sivdnadusa birra:
«Nuola gápmagiid! Dasgo dat báiki mas don čuoččut lea bassi eanan.» 2 Mos 3,5
Rahpanbeaivvi borgemánu 9.b, čalmmustuvvo ON:a internašunála álgoálbmotbeaivi.
Sámi girkobeaivvit leat buot sámi doalut Norgga, Ruoŧa, Suoma ja Ruošša sámiid girkoeallima váras.
Lágiduvvojit goalmmát geardde historjjás ja vuosttaš geardde Norggas ja oarjelsámi guovllus.
Sámi girkoeallima lutherána álbmotgirkuid ovddasteaddji orgánat Davviriikkain doaimmahit lágideami. Ruošša ortodoksa árbevieruid ja sámiid fátmmasteapmi deattuhuvvo.
Ulbmil
- nannet, ođasmahttit ja movttidahttit sámi girkoeallima riikarájiid rastá
- čájehit sámi girkoeallima vuoiŋŋalaš, teologalaš ja dáiddalaš riggodaga
- nannet sámegielaid
- leat deaivvadanbáiki olbmuide beroškeahttá agis ja makkár girkui gullá
- leat bivnnut nuoraide
- hukset ipmárdusa sámiid ja ii-sámiid gaskkas
- leat gárrenmirkkohis lágideapi
Lágideaddjit
Sámi girkoráđđi, Norgga girku
Samiska rådet, Ruoŧa girku
Oulu bismagoddi, Evangelaš-lutheránalaš girku Suomas
Barentsguovllu risttalaš girkuid ovttasbargoráđđi
Rana suohkan
Rana girkolaš oktasašráđđi
Sámi girkoráđđi jođiha prošeavtta.
Ovddeš girkobeaivvit
Ovdal leat lágideamit leamašan Johkamohkis Ruoŧas (2004) ja Anáris Suomas (2009).
Filbma (2009)norgga teaksta:
Filbma (2009)davvisámegiel teaksta: