Nuorat

Nuoraidsiida

Leat go 15 ja 26 jagi gaskka? Dalle sáhtát searvat nuoraidsiidii Sámi girkobeivviin borgemánu 9.-11.b.! Mii cegget siidda festiválaguvlui. Doppe beasat lávostallat eará oasseváldiiguin Norggas, Ruoŧas, Suomas ja Ruoššas. Nuoraidsiida álggahuvvo juo duorastaga borgemánu 8.b.

 

Siiddastallan lea somá, sosiálalaš – ja don oaččut ustibiid agibeaivái. Buohkain lea oktasaččat gullevašvuohta sámi kultuvrii ja kristtalaš oskui. Hálidat go don leat mielde nuppástuhttimin muhtin eará olbmo eallima – soaitá dainna ahte sutnje šaddat ođđa ustibin? Hálidat go juogadit eahkedismállásiid olbmuiguin geaid it dovdda ovdalis? Hálidat go dovdat oktavuođa, oktiigullevašvuođa, oktasaš oskku ja buriid vásáhusaid? Dalle heivejit Sámi girkobeaivvit dutnje!

 

Don beasat fitnat báikkiin Muoffie lahkosiin, leat mielde seminárain ja workshopain, fitnat teahteris ja konsearttain. Don beasat searvat ipmilbálvalusaide ja leat mielde lágideamen nuoraidipmilbálvalusa. Don sáhtát dohppet mielde gihtára dahje čiekčanspáppa, ja don beasat lávus oađđit. Don vissásit gávnnat juoidá mii heive dutnje dáin viiddis fálaldagain.

 

Jos leat nuorra rávisolmmoš, sáhtát leat mielde jođiheaddjin. Váldde áinnas minguin oktavuođa jos dat heive! Šaddet muhtin ovdamunit dutnje gii válddát jođihanovddasvástádusa.

 

Gulahallanolmmoš: Maria Roysdatter Steinsvik

mrs@kirken.no

+47 2308 1268

Det er stengt for kommentarer.