Márkan

Márkan

Jus háliidat leat čájeheaddji Sámi girkobeivviid márkanis, de áinnas váldde oktavuođa. Mis lea ain buorre sadji.

Sámi girkobeaivvit háliidit láhčit dili kvalitehtamárkaniidda main lea sámi duodji ja dáidda, sámi biebmoárbevierru ja sámi márkanárbevierut. Jus leat vejolaš čájeheaddji, de háliidit mii oktavuođa duinna.

Buot čájeheaddjit fertejit ohcat čájeheaddjisaji juolludeami lágideaddjis vai besset čájehit iežaset buktagiid. Ohcan galgá sisttisdoallat listtu mas leat visot buktagat maid háliida čájehit/vuovdit oktan govvidemiin ja govain. Oktavuohtaolmmoš: tore.johnsen@kirken.no

Čájeheaddjit ja sin veahkit fertet máksit festiválapássa.

Rahpanáiggit: diibmu 10.30 – 21.00. Buvddat galget leat gitta go festiválaguovllus leat ipmilbálvalusat / rohkosat.

Márkansaji gaskaboddosaš njuolggadusat leat:

• Čájeheaddjibuvdda mihttu (boahtá maŋŋel)
• Čájeheaddji galgá ieš ordnet bevddiid, tealttá jna (lágideaddji galgá dohkkehan dan)
• Čájeheaddjis lea alddis ovddasvástádus bearráigehččui ja sihkarvuhtii
• Alkohola/gárrenmirkkut, eallit, dolla dahje muosehis musihkka ii leat lobálaš
• Sierra lobi haga ii leat lohppii biillaiguin bisánit festiválaguovllu siskkobeallái. Biillat mat gullet márkaniidda bisánit várrejuvvon sajiide jus leat guoros sajit.
• Márkaniin ii leat lohppii guossohit biepmu. Unnit buktagiid vuovdin nugo goikebierggu, vuostá, muorjemeasttu ja eará ferte dahkkot Biebmobearráigeahču njuolggadusaid mielde.
• Čájeheaddji ferte dohkkehit mearriduvvon rahpanáiggiid ja áiggiid mat leat biddjon sihke buvdasaji/čájálmasa bajás bidjamii ja vulos váldimii.

Namuhuvvon eavttuid rihkkun sáhttá dagahit ahte festiválapássa gessojuvvo ruovttuluotta ja giddejuvvo beassamis guvlui.

Buvddaid bajás- ja vulos bidjan galgá dahkkot mearriduvvon áigemearis. Lagabui dieđut dan birra addojuvvojit.