Saemien gærhkoebiejjieh leah akte gaajhkesaemien öörnedimmie saemien gærhkoejieliedasse Nöörjesne, Sveerjesne, Såevmesne jïh Russlaantesne.
Öörnesåvva gåalmeden aejkien histovrijesne, jïh voestes aejkien Nöörjesne jïh aktene åarjelsaemien dajvesne. Öörnedimmie lea gårreldahkesne saemien gærhkoejieleden sjïere åårganine, dejnie lutheren almetjegærhkojne Noerhtelaantine. Leavloe bïejesåvva ihke ortodokse aerpievuekie jïh saemieh Russlaantesne aaj meatan vaaltsuvvieh.
Ulmieh
- nænnoestehtedh, orrestidh jïh skreejredh saemien gærhkoejieledem laanteraasti rastah
- dam voejkenen, teologeles jïh kåansteles ræjhkoesvoetem saemien gærhkoejieliedisnie vuesiehtidh
- saemien gïelide nænnoestehtedh
- tjåanghkoesijjine årrodh aalmetjidie gaajhkine aalterinie saaht mennie gærhkosne lïhtseginie
- fryöjstehke årrodh noeride
- goerkesem bïgkedh saemiej jïh daaroej gaskem
- geeruvenamhtah öörnedimmie årrodh
Öörnedæjjah
- Saemien gærhkoeraerie, Nöörjen gærhkoe
- Saemien raerie, Sveerjen gærhkoe
- Uleåborgs stift, Evangeliske-lutheren gærhkoe Såevmesne
- Laavenjostoeraerie kristeles gærhkojde Barentsedajvesne
- Raanen tjïelte
- Raanen gyrhkeles ektieraerie
Saemien gærhkoeraerie prosjektem stuvrie.
Aarebi gærhkoebiejjieh
Öörnedimmie lea aarebi orreme Jåhkåmåhkkesne Sveerjesne (2004) jïh Inarisnie Såevmesne (2009). Filme (2009) nöörjen teekste:
Filme (2009) noerhtesaemien teekste: